പ്രേം നസീറിന്റെ മൂത്ത മകള്‍ ലൈല റഷീദ് അന്തരിച്ചു
കോഴിക്കോട്: മലയാള സിനിമാ ലോകത്തെ നിത്യഹരിത നായകൻ പ്രേം നസീറിന്റെ മൂത്ത മകള്‍ ലൈല റഷീദ് (76) അന്തരിച്ചു. ഹൃദയാഘാതത്തെ തുടർന്ന് കോഴിക്കോട്ടെ സ്വകാര്യ ആശുപത്രിയില്‍ ബുധനാഴ്ച വൈകുന്നേരത്തോടെയായിരുന്നു അന്ത്യം.ഏറെ നാളുകളായി കോഴിക്കോട് പഴയഞ്ചേരിയിലെ ‘സോജിത്’ എന്ന വസതിയിലായിരുന്നു ഇവർ താമസിച്ചിരുന്നത്.
1954 ഓഗസ്റ്റ് 24-ന് തിരുവനന്തപുരത്തെ ചിറയിൻകീഴിലായിരുന്നു ലൈലയുടെ ജനനം. കോഴിക്കോട്ടെ വീട്ടിലെ പൊതുദർശനത്തിന് ശേഷം ഭൗതികശരീരം തിരുവനന്തപുരത്തേക്ക് കൊണ്ടുപോകും. ഇന്ന് വൈകിട്ട് നാല് മണിക്ക് തിരുവനന്തപുരം മംഗലപുരം കോറക്കോട് ജുമാ മസ്ജിദ് ഖബർസ്ഥാനിലാണ് കബറടക്കം നിശ്ചയിച്ചിരിക്കുന്നത്.