പിസി ജോര്ജിന്റെ അറസ്റ്റ് രേഖപ്പെടുത്തി.
തിരുവനന്തപുരം:വിദ്വേഷ പ്രസംഗത്തെ തുടര്ന്ന് കസ്റ്റഡിയിലെടുത്ത പിസി ജോര്ജിന്റെ അറസ്റ്റ് രേഖപ്പെടുത്തി.എആര് ക്യാമ്പിൽ എത്തിച്ച ശേഷമാണ് അറസ്റ്റ് രേഖപ്പെടുത്തിയത്. ജാമ്യമില്ലാ വകുപ്പുകള് ചുമത്തിയാണ് അറസ്റ്റ്. 153 എ, 295 എ വകുപ്പുകളാണ് ചുമത്തിയത്.
അതിനിടെ വിദ്വേഷ പ്രസംഗത്തിന്റെ പേരില് പിസി ജോര്ജിനെതിരെ പൊലീസ് സ്വമേധയാ കേസെടുത്തതാണെന്ന് എഫ്ഐആര്. പ്രസംഗം മത സ്പര്ധ വളര്ത്തുന്നതാണെന്ന് ബോധ്യപ്പെട്ടതിനെ തുടര്ന്നാണ് കേസെടുത്തതെന്നും എഫ്ഐആറില് പറയുന്നു. ഫോര്ട്ട് അസിസ്റ്റന്റ് കമ്മീഷണറുടെ നേതൃത്വത്തിലാണ് പിസി ജോര്ജിനെ കസ്റ്റഡിയില് എടുത്തത്.