ബിഹാര് സ്വദേശിയായ യുവതിയെപീഡിപ്പിച്ചെന്ന കേസില് ബിനോയ് കോടിയേരിക്കെതിരെ കുറ്റപത്രം സമര്പ്പിച്ചു
മുംബൈ: ബിഹാര് സ്വദേശിയായ യുവതിയെ വിവാഹ വാഗ്ദാനം നല്കി പീഡിപ്പിച്ചെന്ന കേസില് ബിനോയ് കോടിയേരിക്കെതിരെ മുംബൈ പോലിസ് കുറ്റപത്രം സമര്പ്പിച്ചു. അന്ധേരി മെട്രോപോളിറ്റന് മജിസ്ട്രേറ്റ് കോടതിയിലാണ് കുറ്റപത്രം നല്കിയത്.
2019 ജൂണ് 13നാണ് കേസ് രജിസ്റ്റര് ചെയ്തത്. കേസ് രജിസ്റ്റര് ചെയ്ത് ഒന്നര വര്ഷത്തിന് ശേഷമാണ് കുറ്റപത്രം നല്കുന്നത്. യുവതിയുടെ കുഞ്ഞിന്റെ പിതൃത്വം തെളിയിക്കാനുള്ള ഡിഎന്എ പരിശോധനാഫലം സമര്പ്പിച്ചിട്ടില്ല.
ഡിഎന്എ പരിശോധനാഫലം ലാബില് നിന്ന് ലഭിച്ചിട്ടില്ലെന്നാണ് പൊലിസിന്റെ വിശദീകരണം. ദുബൈയിലെ ഡാന്സ് ബാറില് ജോലി ചെയ്യുമ്പോഴാണ് ബിനോയിയെ പരിചയപ്പെട്ടതെന്നും വിവാഹ വാഗ്ദാനം നല്കി പീഡിപ്പിച്ചെന്നുമാണ് യുവതിയുടെ പരാതി.
ആ ബന്ധത്തില് തനിക്ക് കുഞ്ഞുണ്ടെന്നും യുവതിയുടെ പരാതിയില് പറഞ്ഞിരുന്നു. തുടര്ന്നാണ് ഡിഎന്എ പരിശോധന നടത്തിയത്