മാതൃസഹോദരന്റെ വെട്ടേറ്റു ചികിത്സയിലായിരുന്ന യുവതി മരിച്ചു.
വർക്കല:മാതൃസഹോദരന്റെ വെട്ടേറ്റു ചികിത്സയിലായിരുന്ന യുവതി മരിച്ചു. ചാവടിമുക്ക് തൈപ്പൂയം വീട്ടില് ഷാലുവാണ് (37) മരിച്ചത്.ഗുരുതരമായി പരുക്കേറ്റ ഷാലു മെഡിക്കല് കോളജ് ആശുപത്രിയിലെ തീവ്രപരിചരണ വിഭാഗത്തില് ചികിത്സയിലിരിക്കെയാണ് മരിച്ചത്.
ഷാലുവിന്റെ മാതൃസഹോദരന് ചാവടിമുക്ക് വിളയില് വീട്ടില് അനില് (47) ആണ് ആക്രമിച്ചത്. അയിരൂരിലെ സ്വകാര്യ പ്രസ്സില് ജോലി ചെയ്യുന്ന ഷാലു, വ്യാഴാഴ്ച ഉച്ചയോടെ വീട്ടിലെത്തി ഭക്ഷണം കഴിച്ചു മടങ്ങുമ്പോഴാണ് അനില് തടഞ്ഞുനിര്ത്തി വെട്ടിയത്. സാമ്പത്തിക ഇടപാടുകള് സംബന്ധിച്ച തര്ക്കമാണ് ആക്രമണത്തിലേക്കു നയിച്ചതെന്നാണ് വിവരം.
ആക്രമണശേഷം അനില് കത്തി വീശി ഭീകരാന്തരീക്ഷം സൃഷ്ടിക്കുകയും ഷാലുവിനെ രക്ഷിക്കാന് ശ്രമിച്ച ബന്ധുക്കളെ കത്തി കാട്ടി ഭീഷണിപ്പെടുത്തുകയും ചെയ്തു. ബന്ധുക്കള് വിവരം അറിയിച്ചതിനെ തുടര്ന്ന് പൊലീസ് എത്തി അനിലിനെ കീഴടക്കിയ ശേഷമാണ് ഷാലുവിനെ ആശുപത്രിയിലേക്ക് മാറ്റിയത്. ഷാലുവിന്റെ ഭര്ത്താവ് സജീവ് വിദേശത്താണ്. ഒന്പത്, പന്ത്രണ്ട് വയസ്സുള്ള രണ്ടു കുട്ടികളുണ്ട്