അമിത് ഷായുടെ കേരളത്തിലെ തിരഞ്ഞെടുപ്പ് പ്രചാരണം ഇന്ന്

കൊച്ചി: അമിത് ഷായുടെ കേരളത്തിലെ തിരഞ്ഞെടുപ്പ് പ്രചാരണം ഇന്ന്. വിവിധ മണ്ഡലങ്ങിളില്‍ തിരഞ്ഞെടുപ്പ് റാലിയിലും റോഡ് ഷോയിലും പങ്കെടുക്കും. തൃപ്പൂണിത്തുറയിലെ റോഡ് ഷോയിലാണ് ആദ്യം പങ്കെടുക്കുക.

9 മണിക്ക് കിഴക്കേക്കോട്ട മുതല്‍ പൂര്‍ണത്രയീശ ക്ഷേത്ര ജങ്ഷന്‍ വരെ റോഡ് ഷോയില്‍ അമിത് ഷാ പങ്കെടുക്കും. 11.30ഓടെ കാഞ്ഞിരപ്പള്ളിയിലെത്തും. പൊന്‍കുന്നം ശ്രേയസ് പബ്ലിക്ക് സ്‌കൂള്‍ മൈതാനത്ത് പൊതുസമ്മേളനത്തെ അഭിസംബോധന ചെയ്യും.

1.40ന് കാഞ്ഞിരപ്പള്ളിയില്‍ നിന്ന് ഹെലികോപ്റ്ററില്‍ ചാത്തന്നൂരിലേക്ക് പറക്കും. 2.30ന് പുറ്റിങ്ങല്‍ ദേവീ ക്ഷേത്ര മൈതാനത്താണ് പൊതുസമ്മേളനം. വൈകീട്ടോടെ മലമ്പുഴ മണ്ഡലത്തിലെ കഞ്ചിക്കോടെത്തുന്ന അമിത് ഷാ കഞ്ചിക്കോടു മുതല്‍ സത്രപ്പടിവരെ റോഡ് ഷോ നയിക്കും. ശേഷം കോയമ്പത്തൂരിലേക്ക് തിരിക്കും.