ആട് വളര്‍ത്തല്‍ പരിശീലനം
സംസ്ഥാന മൃഗസംരക്ഷണ വകുപ്പ് നടപ്പാക്കുന്ന വ്യാവസായികാടിസ്ഥാനത്തിലുള്ള ആട് വളര്‍ത്തലിനായുള്ള പരിശീലന പരിപാടി ജില്ലാ വെറ്ററിനറി കേന്ദ്രത്തില്‍ തുടങ്ങി. രാമചന്ദ്രന്‍ കടന്നപ്പള്ളി എം എല്‍ എ ഉദ്ഘാടനം ചെയ്തു. കോര്‍പ്പറേഷന്‍ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ സുരേഷ് ബാബു എളയാവൂര്‍ അധ്യക്ഷനായി. ജില്ലാ മൃഗസംരക്ഷണ ഓഫീസര്‍ ഡോ. എം പി ഗിരീഷ് ബാബു, അസിസ്റ്റന്റ് പ്രൊജക്ട് ഓഫീസര്‍ ഡോ. ഒ എം അജിത, ചീഫ് വെറ്ററിനറി ഓഫീസര്‍ ഡോ. കെ മുരളീധരന്‍, ഫീല്‍ഡ് ഓഫീസര്‍ ടി രാജീവന്‍ എന്നിവര്‍ സംസാരിച്ചു. ഡോ.വി പ്രശാന്ത്, ഡോ എം പി സുജന്‍, ഡോ. സി പി പ്രസാദ് എന്നിവര്‍ ക്ലാസെടുത്തു. നാലു ദിവസം നീണ്ടുനില്‍ക്കുന്നതാണ് പരിശീലനം.
