ഉത്തരാഖണ്ഡിലെ മഞ്ഞുമല അപകടം;മരിച്ചവരുടെ എണ്ണം 42 ആയി

ദെഹ്റാദൂൺ: ഉത്തരാഖണ്ഡിലെ ചമോലിയിൽ മഞ്ഞുമല ഇടിഞ്ഞതിനെ തുടർന്നുണ്ടായ ദുരന്തത്തിൽ മരിച്ച രണ്ട് പേരുടെ മൃതദേഹം കൂടി കണ്ടെടുത്തു. ഇതോടെ ദുരന്തത്തിൽ മരിച്ചവരുടെ എണ്ണം 42 ആയി ഉയർന്നു. തപോവൻ വിഷ്ണുഖട്ട് പവർ പ്രൊജക്ടിന്റെ ഭാഗമായുള്ള തുരങ്കത്തിൽ നിന്നാണ് മൃതദേഹങ്ങൾ കണ്ടെടുത്തത്.

മൊത്തം 170 പേരെയാണ് കാണാതായത്. അപകടം നടന്ന് ഒരാഴ്ച പിന്നിടുമ്പോഴും കാണാതായവർക്ക് വേണ്ടിയുള്ള തിരച്ചിൽ തുടരുകയാണ്.