ഉളിക്കല്ലിൽ എം ഡി എം എ യുമായി യുവാക്കൾ പിടിയിൽ
ഇരിട്ടി : ഉളിക്കല്ലിൽ മയക്കുമരുന്നുമായി മൂന്ന് യുവാക്കളെ പോലീസ് അറസ്റ്റ് ചെയ്തു. ഇവർ സഞ്ചരിച്ച കാറും പോലീസ് കസ്റ്റഡിയിൽ എടുത്തു. എം ഡി എം എ എന്ന മയക്കുമരുന്നാണ് പിടികൂടിയത്. കരിക്കോട്ടക്കരി സ്വദേശി അഭിജിത് സെബാസ്റ്റ്യൻ (22), നെല്ലിക്കുറ്റി ഏറ്റുപാറ സ്വദേശി കളയാ നിധിൻ മാത്യു (28), നിബിൻ മാത്യു (27) എന്നിവരെ യാണ് അറസ്റ്റ് ചെയ്തത്.
ഇരിട്ടി ഡി വൈ എസ് പി പ്രദീപൻ കണ്ണിപൊയിലിന് കിട്ടി യ രഹസ്യ വിവരത്തിന്റെ അടിസ്ഥാനത്തിൽ ഉളിക്കൽ എസ് ഐ പി. നിഷിത്തും സംഘവുമാണ് വാഹനം പരിശോധനക്കിടയിൽ സംഘത്തെ പിടികൂടി യത്. കാറിൽ സിഗരറ്റ് പാക്കറ്റിൽ ഒളിപ്പിച്ചനിലയിലായിരുന്നു മയക്ക്‌ മരുന്നെന്ന് ഉളിക്കൽ എസ് എച്ച് ഒ സുധീർ കല്ലൻ പറഞ്ഞു.ബാംഗ്ലൂരിൽ നിന്നാണ് എം ഡി എം എ വാങ്ങിയതെന്നാണ് പിടിയിലായവർ പറഞ്ഞതെന്നും ഇതേ കുറിച്ച് അന്വേഷണം തുടങ്ങിയതയും പോലീസ് പറഞ്ഞു. ഇവർ സഞ്ചരിച്ചിരുന്ന KL 59 x 7765 കാറും പോലീസ് കസ്റ്റഡിയിലെടുത്തിട്ടുണ്ട്
