ഓട്ടോറിക്ഷ നല്‍കി
അടിയ-പണിയ പാക്കേജ് പദ്ധതിയില്‍ ഉള്‍പ്പെടുത്തി ജില്ലാ പട്ടികവര്‍ഗ വികസന വകുപ്പ് നല്‍കുന്ന ഓട്ടോറിക്ഷയുടെ താക്കോല്‍ കൈമാറ്റം ജില്ലാ പഞ്ചായത്ത് പ്രസിഡണ്ട് പി പി ദിവ്യ നിര്‍വഹിച്ചു. 2.61 ലക്ഷം രൂപ ചെലവഴിച്ച് അയ്യന്‍കുന്ന് പഞ്ചായത്തിലെ കെ ജി സതീശനാണ് ഓട്ടോറിക്ഷ നല്‍കിയത്. ജില്ലാ പട്ടികവര്‍ഗ വികസന ഓഫീസിന് മുന്‍വശത്ത് നടന്ന ചടങ്ങില്‍ ഐ ടി ഡി പി പ്രൊജക്ട് ഓഫീസര്‍ എസ് സന്തോഷ്‌കുമാര്‍, അസിസ്റ്റന്റ് പ്രൊജക്ട് ഓഫീസര്‍ എം കെ മെഹറൂഫ്, സൈറ്റ് മാനേജര്‍ പി പി ഗിരീഷ്, ട്രൈബല്‍ എക്സ്റ്റന്‍ഷന്‍ ഓഫീസര്‍മാരായ സി ഷൈജു, കെ വി അനൂപ്, പ്രസാദ് അലോക്കന്‍, ടി കെ സജിത, എന്‍ പി സജ്‌ന, കെ വി ധനേഷ് തുടങ്ങിയവര്‍ പങ്കെടുത്തു.
