ഓഹരി വിപണിയിൽ നേട്ടത്തോടെ തുടക്കം
മുംബൈ: ഓഹരി വിപണിയിൽ ആശ്വാസനേട്ടം.
സെൻസെക്സ് 343 പോയന്റ് നേട്ടത്തിൽ 47,217ലും നിഫ്റ്റി 102 പോയന്റ് ഉയർന്ന് 13,920ലുമാണ് വ്യാപാരം ആരംഭിച്ചത്. ബിഎസ്ഇയിലെ 928 കമ്പനികളുടെ ഓഹരികൾ നേട്ടത്തിലും 203 ഓഹരികൾ നഷ്ടത്തിലുമാണ്. 26 ഓഹരികൾക്ക് മാറ്റമില്ല.
ഇൻഡസിൻഡ് ബാങ്ക്, ഒഎൻജിസി, ബജാജ് ഫിനാൻസ്, എച്ച്ഡിഎഫ്സി ബാങ്ക്, റിലയൻസ്, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, ടൈറ്റാൻ, സൺ ഫാർമ, എസ്ബിഐ തുടങ്ങിയ ഓഹരികളാണ് നേട്ടത്തിൽ. ടിസിഎസ്, ആക്സിസ് ബാങ്ക് തുടങ്ങിയ ഓഹരികൾ നഷ്ടത്തിലുമാണ്.
