കണ്ണൂരിൽ വിദ്യാർത്ഥിയുടെ മാതാവിനെ പീഡിപ്പിക്കാൻ ശ്രമം; പ്രധാന അധ്യാപകൻ അറസ്റ്റിൽ

കണ്ണൂരിൽ വിദ്യാർത്ഥിയുടെ മാതാവിനെ പീഡിപ്പിക്കാൻ ശ്രമിച്ച പ്രധാന അധ്യാപകൻ അറസ്റ്റിൽ.പാനൂർ ഈസ്റ്റ് വള്ളായി യു.പി. സ്കൂളിലെ പ്രധാനാധ്യാപകൻ വിനോദിനെയാണ് പാനൂർ പോലീസ് വ്യാഴാഴ്ച അറസ്റ്റ് ചെയ്തത്. സ്കൂളിലെ വിദ്യാർഥിയുടെ മാതാവായ യുവതിയാണ് പ്രധാനാധ്യാപകനെതിരേ പരാതി നൽകിയത്.

ഏഴാം ക്ലാസിൽ പഠിക്കുന്ന മകന് അധികമായി ലഭിച്ച പുസ്തകങ്ങൾ തിരികെനൽകാൻ എത്തിയപ്പോൾ അധ്യാപകൻ പീഡിപ്പിച്ചെന്നാണ് ആരോപണം. ജനുവരി ആറാം തീയതി രാവിലെ 11.30 ഓടെയായിരുന്നു സംഭവം. തുടർന്ന് യുവതി പാനൂർ പോലീസിൽ പരാതി നൽകുകയും കേസെടുക്കുകയുമായിരുന്നു