തെരുവുനായയുടെ കടിയില്‍ നിന്ന് രക്ഷപെടാന്‍ ഓടിയ യുവാവ് കാറിടിച്ചു മരിച്ചു
കോഴിക്കോട്: തെരുവുനായയുടെ കടിയില്‍ നിന്ന് രക്ഷപെടാന്‍ ഓടിയ യുവാവ് കാറിടിച്ചു മരിച്ചു.നായ പിന്തുടരുന്നത് കണ്ട് കടിയേല്‍ക്കാതിരിക്കാന്‍ നടപ്പാതയില്‍ നിന്ന് റോഡിലേക്ക് ഇറങ്ങിയോടിയ യുവാവിനെ അമിതവേഗത്തില്‍ എത്തിയ കാര്‍ ഇടിക്കുകയായിരുന്നു. മുഹമ്മദ് നിഹാല്‍(20) ആണു മരിച്ചത്.
കോഴിക്കോട്ട് സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്ന നിഹാല്‍ ഇന്നലെ രാവിലെയാണു മരിച്ചത്. എടച്ചേരി മണ്ഡലം കോണ്‍ഗ്രസ് സെക്രട്ടറി തലായിയിലെ വലിയ പറമ്ബത്ത് വി പി അബ്ദുല്‍ മജീദിന്റെയും സമീറയുടെയും മകനാണ് നിഹാല്‍. മുസ്‌ലിം യൂത്ത് ലീഗ് തലായി ശാഖാ വൈസ് പ്രസിഡന്റാണ്.
