നടൻ വടിവേലു ആശുപത്രിയിൽ

തമിഴ് നടൻ വടിവേലുവിനെ ആശുപത്രിയിൽ പ്രവേശിപ്പിച്ചു. കോവിഡ് (Covid 19) ബാധിതനായതിനെ തുടർന്നാണ് നടനെ ചെന്നൈയിലെ സ്വകാര്യ ആശുപത്രിയിൽ പ്രവേശിപ്പിച്ചത്. രണ്ട് ദിവസം മുമ്പാണ് വടിവേലു ലണ്ടനിൽ നിന്ന് ചെന്നൈയിൽ തിരിച്ചെത്തിയത്. തുടർന്ന് നടത്തിയ പരിശോധനയിലാണ് കോവിഡ് പോസിറ്റീവ് സ്ഥിരീകരിച്ചത്.

ലണ്ടനിൽ സ്വകാര്യ ചടങ്ങിൽ പങ്കെടുത്തു മടങ്ങിയതാണ് താരം. നടന്റെ ആരോഗ്യനിലയിൽ ആശങ്കപ്പെടാനില്ലെന്നും സുഖം പ്രാപിക്കുന്നതായും അദ്ദേഹത്തെ ചികിത്സിക്കുന്ന ഡോക്ടർമാർ അറിയിച്ചു