പോസ്റ്റ് ഓഫിസ് സേവിങ്‌സ് അക്കൗണ്ടുകളുടെ മിനിമം ബാലന്‍സ് 500 രൂപയാക്കി
ന്യൂഡല്‍ഹി: പോസ്റ്റ് ഓഫിസ് സേവിങ്‌സ് അക്കൗണ്ടുകളുടെ മിനിമം ബാലന്‍സ് 500 രൂപയാക്കിയതായി തപാല്‍ വകുപ്പ് അറിയച്ചു. ഡിസംബര്‍ 12 മുതല്‍ നിരക്ക് പ്രാബല്ല്യത്തില്‍ വരും.
മിനിമം ബാലന്‍സ് 500 രൂപ നില നില്‍ത്തിയില്ലെങ്കില്‍ 100 രൂപ അക്കൗണ്ട് മെയിന്റനന്‍സ് ഫീസായി കുറക്കും. മതിയായ ബാലന്‍സില്ലെങ്കില്‍ അക്കൗണ്ട് റദ്ദാക്കപ്പെടും. 50 രൂപയില്‍ നിന്ന് 500 രൂപയാണ് ഉയര്‍ത്തിയത്
നിലവില്‍ നാല് ശതമാനം പലിശ നിരക്കാണ്. ഒരുമാസം പത്താം തീയതിക്കും മുപ്പതാം തീയതിക്കുമിടയില്‍ അക്കൗണ്ട് ബാലന്‍സ് 500 രൂപയില്‍ താഴെയാണെങ്കില്‍ ആ മാസത്തെ പലിശ ലഭിക്കില്ല.
ഒരു വ്യക്തിക്ക് ഒരു പോസ്റ്റ് ഓഫീസ് സേവിംഗ്‌സ് അക്കൗണ്ട് മാത്രമേ തുറക്കാന്‍ കഴിയൂ. കൂടാതെ, പ്രായപൂര്‍ത്തിയാകാത്തവരുടെ പേരിലും ഒരു അക്കൗണ്ട് മാത്രമേ തുറക്കാന്‍ കഴിയൂ. പോസ്റ്റ് ഓഫീസ് സേവിംഗ്‌സ് അക്കൗണ്ട് തുറക്കുന്ന സമയത്ത് നാമനിര്‍ദ്ദേശം നിര്‍ബന്ധമാണ്.
