ബാങ്കുകള്‍ ജനങ്ങളിലേക്ക്: വായ്പ സമ്പര്‍ക്ക മേള 8ന്
ജില്ലാ ലീഡ് ബാങ്കിന്റെ ആഭിമുഖ്യത്തില്‍ സംഘടിപ്പിക്കുന്ന വായ്പ സമ്പര്‍ക്ക മേള ജൂണ്‍ എട്ടിന് രാവിലെ 9.30 ന് ചേമ്പര്‍ ഹാളില്‍ നടക്കുമെന്ന് ലീഡ് ബാങ്ക് പ്രതിനിധികള്‍ വാര്‍ത്താ സമ്മേളനത്തില്‍ അറിയിച്ചു. ബാങ്കുകള്‍ ജനങ്ങളിലേക്ക് എന്നതാണ് മേളയുടെ മുദ്രാവാക്യം. ജില്ലാ പഞ്ചായത്ത് പ്രസിഡന്റ് പി പി ദിവ്യ ഉദ്ഘാടനം ചെയ്യും. ജില്ലാ കലക്ടര്‍ എസ് ചന്ദ്രശേഖര്‍ അധ്യക്ഷത വഹിക്കും. വിവിധ ബാങ്കുകളുടെ വായ്പാ പദ്ധതികളെ പറ്റി അറിയാനുള്ള അവസരം മേളയിലുണ്ടാകും. കാര്‍ഷിക, വ്യാപാര, വ്യവസായ, ഭവന, വിദ്യാഭ്യാസ, വ്യക്തിഗത വായ്പകള്‍ക്ക് ഊന്നല്‍ നല്‍കിയാണ് മേള സംഘടിപ്പിക്കുന്നത്. നബാര്‍ഡ്, വിവിധ സര്‍ക്കാര്‍ വകുപ്പുകള്‍ എന്നിവയുടെ സഹകരണമുണ്ടാകും. കണ്ണൂര്‍ ലീഡ് ജില്ലാ മാനേജര്‍ ടി എം രാജ്കുമാര്‍, കനറാ ബാങ്ക് അസി.ജനറല്‍ മാനേജര്‍ എ യു രാജേഷ്, നബാര്‍ഡ് ഡി ഡി എം ജിഷിമോന്‍, എസ് ബി ഐ ചീഫ് മാനേജര്‍ രഞ്ജിത്ത് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
