മമ്പറം ദിവാകരനെ പാർട്ടിയിൽ നിന്നും പുറത്താക്കി
തലശ്ശേരി ഇന്ദിരാഗാന്ധി സഹകരണ ആശുപത്രിയുടെ ചെയര്‍മാനും കോണ്‍ഗ്രസ് നേതാവുമായ മമ്പറം ദിവാകരനെ പാര്‍ട്ടി അച്ചടക്ക ലംഘനത്തിന് കോണ്‍ഗ്രസില്‍ നിന്നും പുറത്താക്കി. കെപിസിസി ജനറല്‍ സെക്രട്ടറി ടി യു രാധാകൃഷ്ണനാണ് ഇക്കാര്യം അറിയിച്ചത്.
ആശുപത്രി സൊസൈറ്റി തെരഞ്ഞെടുപ്പുമായി ബന്ധപ്പെട്ട് കണ്ണൂര്‍ ഡിസിസി അംഗീകരിച്ച കോണ്‍ഗ്രസിന്റെ ഔദ്യോഗിക പാനലിനെതിരായി പാര്‍ട്ടി നേതൃത്വത്തെ ധിക്കരിച്ച് ബദല്‍ പാനലില്‍ മത്സരിക്കുന്ന നിലവിലെ പ്രസിഡന്റ് മമ്പറം ദിവാകരന്‍ ഗുരുതരമായ അച്ചടക്ക ലംഘനമാണ് കാട്ടിയതെന്നും അതിനാലാണ് അദ്ദേഹത്തെ പാര്‍ട്ടിയില്‍ നിന്നും പുറത്താക്കുന്നതെന്നും രാധാകൃഷ്ണന്‍ പറഞ്ഞു. അതോടപ്പം മമ്പറം മണ്ഡലം കോൺഗ്രസ് പ്രസിഡണ്ട് കെ.കെ പ്രസാദിനെയും സ്ഥാനത്ത് നിന്ന് നീക്കി.
പകരം പൊന്നമ്പേത്ത് ചന്ദ്രന് ചുമതലയെന്ന് ഡിസിസി വ്യക്തമാക്കി
മമ്പറം ദിവാകരനെ പുറത്താക്കിയതിന് പിന്നാലെയാണ് പ്രസാദിനെയും മറ്റിയത്
