മൂന്നാറിൽ വിദ്യാർത്ഥിനിക്ക് വെട്ടേറ്റു

ഇടുക്കി മൂന്നാറിൽ ടി.ടി.സി വിദ്യാർത്ഥിനിക്ക് വെട്ടേറ്റു. പാലക്കാട് സ്വദേശി പ്രിൻസിക്കാണ് വെട്ടേറ്റത്. തലയ്ക്ക് ഗുരുതരമായി പരുക്കേറ്റ പ്രിൻസിയെ മൂന്നാറിലെ സ്വകാര്യ ആശുപത്രിയിൽ പ്രവേശിപ്പിച്ചു. ഓടി രക്ഷപ്പെട്ട യുവാവിനായി പൊലീസ് തെരച്ചിൽ തുടങ്ങി. ഇന്ന് വൈകുന്നേരമായിരുന്നു സംഭവം. പ്രതിയും പാലക്കാട് സ്വദേശിയാണ് എന്നാണ് വിവരം. എന്നാൽ പെൺകുട്ടിക്ക് ഇയാളുമായുള്ള ബന്ധം വ്യക്തമല്ല.