സുരാജ് മികച്ച നടൻ, പാർവ്വതി നടി;ദാദാ സാഹിബ് ഫാല്‍ക്കെ അവാര്‍ഡുകള്‍ പ്രഖ്യാപിച്ചു
ദാദാ സാഹിബ് ഫാല്‍ക്കെ ഇന്റര്‍നാഷണല്‍ ഫിലിം ഫെസ്റ്റിവല്‍ അവാര്‍ഡുകള്‍ പ്രഖ്യാപിച്ചു. മലയാളത്തില്‍ മനു അശോകന്‍ ചിത്രം ‘ഉയരെ’ ആണ് മികച്ച ചിത്രം. മികച്ച നടനുള്ള പുരസ്‌കാരം സുരാജ് വെഞ്ഞാറമ്മൂട് നേടി. ആന്‍ഡ്രോയിഡ് കുഞ്ഞപ്പനിലെ പ്രകടനമാണ് സുരാജിനെ അവാര്‍ഡിന് അര്‍ഹനാക്കിയത്.
മികച്ച നടിക്കുള്ള അവാര്‍ഡ് പാര്‍വതി തിരുവോത്ത് സ്വന്തമാക്കി. ആസിഡ് ആക്രമണത്തിന് ഇരയായ പല്ലവി എന്ന കഥാപാത്രത്തെ അവതരിപ്പിച്ച ഉയരെ എന്ന ചിത്രത്തിലെ പ്രകടനമാണ് പാര്‍വതിയ്ക്ക് അംഗീകാരം നേടി കൊടുത്തത്. മികച്ച ചിത്രത്തിനുള്ള അവാര്‍ഡും ഉയരെ തന്നെ നേടി. കുമ്പളങ്ങി നൈറ്റ്‌സ് ഒരുക്കി മധു സി നാരായണന്‍ മികച്ച സംവിധായകനായി. ദീപക് ദേവ് ആണ് മികച്ച സംഗീത സംവിധായകന്‍.
തെലുങ്കില്‍ നാഗാര്‍ജുനയ്ക്കും കന്നഡയില്‍ ശിവ രാജ്കുമാറിനുമാണ് വെര്‍സറ്റൈല്‍ ആക്ടര്‍ പുരസ്‌കാരങ്ങള്‍. അതേസമയം, തമിഴില്‍ മികച്ച നടന്‍ ധനുഷും (അസുരന്‍), നടി ജ്യോതികയുമാണ് (രാക്ഷസി). വേര്‍സറ്റൈല്‍ ആക്ടര്‍ പുരസ്‌ക്കാരം നടന്‍ അജിത്തിനാണ്. ഒത്ത സെറുപ്പു സൈസ് 7 എന്ന സിനിമയിലൂടെ പാര്‍ത്ഥിപന്‍ മികച്ച സംവിധായകനായി. ടു ലെറ്റ് ആണ് മികച്ച ചിത്രം. അനിരുദ്ധ് രവിചന്ദര്‍ മികച്ച സംഗീത സംവിധായകന്‍.
