സോളാറിനു പിന്നിൽ കെ.ബി ഗണേഷ് കുമാര്‍ എന്ന് സി മനോജ്കുമാര്‍.
കൊച്ചി: സോളാര്‍ കേസില്‍ കെ.ബി ഗണേഷ് കുമാര്‍ എംഎല്‍എയ്‌ക്കെതിരെ വെളിപ്പെടുത്തലുമായി കേരള കോണ്‍ഗ്രസ് (ബി) മുന്‍ സംസ്ഥാന ജനറല്‍ സെക്രട്ടറി സി മനോജ്കുമാര്‍.
കേസിലെ ഇരയായ സ്ത്രീയെക്കൊണ്ട് ഓരോന്നു പറയിപ്പിക്കുകയും, എഴുതിപ്പിക്കുകയും ചെയ്തതിനു പിന്നില്‍ ഗണേഷാണെന്ന് മനോജ് ആരോപിച്ചു.മനോജ് കുമാറിൻറെ വെളിപ്പെടുത്തൽ ശരി വച്ച് ഫെനി ബാലകൃഷ്ണൻ രംഗത്തെത്തി. സത്യം പുറത്തു വന്നതിൽ സന്തോഷം എന്ന് ഫെനി പറഞ്ഞു. പരാതിക്കാരിയുടെ മുൻ അഭിഭാഷകനാണ് ഫെനി.ഗണേഷ്‌കുമാറിന്റെ വിശ്വസ്തനായിരുന്ന മനോജ്കുമാര്‍ അടുത്തിടെയാണു കേരള കോണ്‍ഗ്രസ് (ബി) വിട്ട് കോണ്‍ഗ്രസില്‍ ചേര്‍ന്നത്.
സോളര്‍ കേസ് വന്നപ്പോള്‍ താനാണ് മുഖ്യപ്രതി എന്നറിഞ്ഞ ഗണേഷ്‌കുമാര്‍ സഹായിക്കണമെന്ന് തന്നോട് അഭ്യര്‍ത്ഥിച്ചിരുന്നുവെന്ന് മനോജ് പറഞ്ഞു. ദൈവം പോലും പൊറുക്കാത്ത രീതിയില്‍ ഗണേഷും പിഎയും ചേര്‍ന്ന് ഓരോന്നു പറയിപ്പിക്കുകയും എഴുതിപ്പിക്കുകയും ചെയ്തുവെന്നും, ഇനിയെങ്കിലും ഇതു തുറന്നു പറയാതിരുന്നാല്‍ ദൈവദോഷം കിട്ടുമെന്നും മനോജ് കൂട്ടിച്ചേര്‍ത്തു.
