700 ഗോൾ ക്ലബ്; സിആറിനൊപ്പം ഇടംപിടിച്ച് മെസി
പാരീസ്: ക്ലബ് കരിയറില്‍ 700 ഗോള്‍ എന്ന ചരിത്ര നേട്ടം കുറിച്ച് ലയണല്‍ മെസി. ഫ്രഞ്ച് ലീഗിലെ മാഴ്സെയ്ക്കെതിരായ മത്സരത്തിൽ ഗോൾ നേടിയാണ് 700 ക്ലബ് ഗോളുകളെന്ന അപൂർവ നേട്ടത്തിൽ മെസി എത്തിയത്.
700 ക്ലബ് ഗോള്‍ നേട്ടം സ്വന്തമാക്കുന്ന രണ്ടാമത്തെ താരമാണ് മെസി. സൂപ്പർ താരം ക്രിസ്റ്റ്യാനോ റൊണാൾഡോ മാത്രമാണ് നേരത്തെ ഈ നേട്ടം കെെവരിച്ചത്.
ഗോളുകളിൽ 672 എണ്ണവും ബാഴ്സലോണയ്ക്ക് വേണ്ടിയായിരുന്നു. 28 എണ്ണം പിഎസ്ജിക്കായും താരം നേടി. അര്‍ജന്‍റീനയ്ക്കായി 98 ഗോളുകള്‍ നേടിയ മെസിക്ക് ആകെ ഗോള്‍നേട്ടം 800-ൽ എത്താൻ ഇനി വേണ്ടത് മൂന്ന് ഗോളുകള്‍ മാത്രമാണ്.
