ദിനംപ്രതി വില ഉയർന്ന് സ്വർണം

ദിനംപ്രതി വില ഉയർന്ന് സ്വർണം. കഴിഞ്ഞ ദിവസത്തെ റെക്കോഡ് തിരുത്തി പവന്റെ വിലയിൽ 520 രൂപയുടെ വർധനവാണ് ബുധനാഴ്ചയുണ്ടായത്. ഇതോടെ ഒരു പവൻ സ്വർണത്തിന്റെ വില 59,520 രൂപയായി. ഗ്രാമിന് 7,440 രൂപയും.

ഒരു പവൻ സ്വർണാഭരണം വാങ്ങാൻ ചുരുങ്ങിയത് 64,500 രൂപയെങ്കിലും നൽകേണ്ടിവരും. കുറഞ്ഞ പണിക്കൂലിയും ജിഎസ്ടിയും ഹാൾമാർക്കിങ് നിരക്കുമൊക്കെ ചേരുമ്പോഴാണ് ഇത്രയും തുക നൽകേണ്ടിവരിക. ഈ വർഷം മാത്രം സ്വർണ വിലയിലുണ്ടായ വർധന 27 ശതമാനമാണ്.