പരീക്ഷാഹാളിൽ അധ്യാപകർക്ക് മൊബൈൽ ഫോൺ വിലക്ക്
പരീക്ഷാഹാളിൽ ചുമതലയുള്ള അധ്യാപകർ മൊബൈൽ ഫോൺ കൊണ്ടുവരുന്നതിന് വിലക്ക്. സൈലന്റ് അല്ലെങ്കിൽ സ്വിച്ച്ഓഫ് മോഡിലും മൊബൈൽ ഫോൺ അനുവദിക്കില്ല. പരീക്ഷകളുടെ കൃത്യവും കാര്യക്ഷമവും സുഗമവുമായ നടത്തിപ്പ് കണക്കിലെടുത്താണ് വിലക്കെന്ന് പൊതുവിദ്യാഭ്യാസ ഡയറക്ടറുടെ ഉത്തരവിൽ പറയുന്നു. 2024 മാർച്ചിലെ വൊക്കേഷണൽ ഹയർ സെക്കൻഡറി പരീക്ഷക്ക് നിയോഗിച്ച സർക്കാർ സ്‌ക്വാഡ് നൽകിയ ശുപാർശ കൂടി കണക്കിലെടുത്താണിത്.
