മദ്യത്തിന് നാളെമുതൽ വില കൂടും
സംസ്ഥാനത്ത് നാളെ മുതൽ മദ്യത്തിൻ്റെ വില വർധിക്കും. സ്പിരിറ്റ് വില വർധിച്ചതിനാൽ മദ്യവില കൂട്ടണമെന്ന മദ്യ വിതരണക്കാരുടെ ആവശ്യം പരിഗണിച്ചാണ് തീരുമാനം.
ചില ബ്രാൻ്റ് മദ്യത്തിന് മാത്രമാണ് വില വർധന. പത്ത് രൂപ മുതൽ അൻപത് രൂപ വരെയാണ് വില വർധിക്കുക. പുതുക്കിയ മദ്യ വില വിവരപ്പട്ടിക ബെവ്കോ പുറത്തിറക്കി.
62 കമ്പനികളുടെ 341 ബ്രാൻ്റുകൾക്ക് വില വർധിക്കും. അതേസമയം വില കുറക്കാനും തീരുമാനമുണ്ട്. 45 കമ്പനികളുടെ 107 ബ്രാന്റുകൾക്കാണ് വില കുറയുക.
