സ്വർണ വിലയിൽ കുതിപ്പ് തുടരുന്നു

സ്വർണ വിലയിൽ കുതിപ്പ് തുടരുന്നു. തിങ്കളാഴ്ച പവന്റെ വില 280 രൂപ കൂടി 63,840 രൂപയിലെത്തി. ഗ്രാമിന്റെ വിലയാകട്ടെ 35 രൂപ വർധിച്ച് 7,980 രൂപയുമായി. ഒരാഴ്ചക്കിടെ മാത്രം 2,200 രൂപയുടെ വർധന.

ആഗോള വിപണിയിൽ എക്കാലത്തെയും ഉയർന്ന നിലവാരമായ 2,886 ഡോളറാണ് ട്രോയ് ഔൺസ് സ്വർണത്തിന്റെ വില. രാജ്യത്തെ കമ്മോഡിറ്റി വിപണിയായ എംസിഎക്സിൽ 10 ഗ്രാം 24 കാരറ്റ് സ്വർണത്തിന്റെ വില 85,384 രൂപയായി.