സ്വര്‍ണ വിലയില്‍ നേരിയ വര്‍ധന.

സ്വര്‍ണ വിലയില്‍ നേരിയ വര്‍ധന. പവന് 80 രൂപ വര്‍ധിച്ച് കേരളത്തിലെ സ്വര്‍ണ വില 64,440 രൂപയിലെത്തി. ഗ്രാമിന് 10 രൂപ ഉയര്‍ന്ന് 8,055 രൂപയായി.  18 കാരറ്റ് സ്വര്‍ണത്തിന് തിങ്കളാഴ്ച 72 രൂപയാണ് പവന് വര്‍ധിച്ചത്. 52,728 രൂപയാണ് ഇന്നത്തെ വില. ഗ്രാമിന് 6,591 രൂപ. 

കഴിഞ്ഞാഴ്ചയാണ് സ്വര്‍ണ വില സര്‍വകാല ഉയരത്തിലെത്തിയത്. പവന് 64,560 രൂപയാണ് കേരളത്തില്‍ ഇതുവരെ രേഖപ്പെടുത്തിയ ഏറ്റവും ഉയര്‍ന്ന വില. ഫെബ്രുവരിയില്‍ 61,960 രൂപയില്‍ വ്യാപാരം ആരംഭിച്ച സ്വര്‍ണ വില 2,600 രൂപ വര്‍ധനയോടെയാണ് പുതിയ ഉയരം കുറിച്ചത്. ഈ വര്‍ഷം ഇതുവരെ 7,360 രൂപയാണ് സ്വര്‍ണ വില കൂടിയത്.  കേരളത്തില്‍ സ്വര്‍ണ വില 65,000 രൂപയിലെത്താന്‍ ഇനി 560 രൂപ കൂടി മതി.