കൈക്കൂലി വാങ്ങുന്നതിനിടെ ഓവര്‍സിയറും ഡ്രൈവറും വിജിലന്‍സിന്റെ പിടിയില്‍
കണ്ണൂര്‍: കൈക്കൂലി വാങ്ങുന്നതിനിടെ ഓവര്‍സിയറും ഡ്രൈവറും വിജിലന്‍സിന്റെ പിടിയില്‍. കണ്ണൂര്‍ കോര്‍പ്പറേഷന്‍ എടക്കാട് സോണല്‍ ഓഫീസിലെ ഫസ്റ്റ് ഗ്രേഡ് ഓവര്‍സിയര്‍ രമേഷ് ബാബു, താത്ക്കാലിക ഡ്രൈവര്‍ പ്രജീഷ് എന്നിവരാണ് അറസ്റ്റിലായത്.
കെട്ടിട നിര്‍മ്മാണ അനുമതിക്കായി കൈക്കൂലി വാങ്ങുന്നതിനിടെയാണ് ഇരുവരും പിടിയിലായത്. 5000 രൂപയാണ് ഇവര്‍ കൈക്കൂലി വാങ്ങിയത്. കണ്ണൂര്‍ വിജിലന്‍സ് ഡിവൈഎസ്പി ബാബു പെരിങ്ങോത്തിന്റെ നേതൃത്വത്തിലാണ് ഇവരെ പിടികൂടിയത്.
