ലോക്‌സഭ തിരഞ്ഞെടുപ്പ്; ഏപ്രിൽ 26ന് സ്വകാര്യ ജീവനക്കാർക്കും അവധി
ലോക്‌സഭ തിരഞ്ഞെടുപ്പിനോട് അനുബന്ധിച്ച് കേരളത്തിൽ 26-ന് സ്വകാര്യ മേഖലയിൽ ജോലിയിൽ ഏർപ്പെട്ടിരിക്കുന്നവർക്ക് അവധി പ്രഖ്യാപിച്ചു.
എല്ലാ തൊഴിലുടമകളും തൊഴിലാളികൾക്ക് അവധി ഉറപ്പാക്കണമെന്ന് ലേബർ കമ്മീഷണർ അറിയിച്ചു.
വാണിജ്യ വ്യവസായ വ്യാപാര സ്ഥാപനങ്ങളിൽ അടക്കമുള്ള സ്ഥാപനങ്ങൾ, ഐടി, തോട്ടം മേഖലകളിൽ അടക്കം വോട്ട് അവകാശമുള്ള മുഴുവൻ ആളുകൾക്കും അവധി ബാധകമാണ്.
ഏർപ്പെട്ടിരിക്കുന്ന തൊഴിലിന് ആപത്കരമോ, സാരമായ നഷ്ടം ഉണ്ടാക്കാനോ ഇടയാകും എങ്കിൽ പകരം സംവിധാനം ഏർപ്പെടുത്തി അയാൾക്ക് വോട്ട് രേഖപ്പെടുത്താൻ പ്രത്യേക അനുമതി നൽകണം.
സ്വന്തം ജില്ലക്ക് പുറത്ത് ജോലിയിൽ ഏർപ്പെട്ടിരിക്കുന്ന വോട്ടർമാർക്ക് അവരവരുടെ പോളിങ് സ്‌റ്റേഷനിൽ വോട്ട് രേഖപ്പെടുത്താൻ വേതനത്തോട് കൂടിയ മതിയായ അവധി തൊഴിലുടമ ഉറപ്പാക്കണമെന്നും കമ്മീഷണർ അറിയിച്ചു.
