സ്വർണ വില ഇതാദ്യമായി പവന്റെ വില 59,000 രൂപയിലെത്തി
വീണ്ടും റെക്കോഡ് ഉയരം കുറിച്ച് സ്വർണ വില. ഇതാദ്യമായി പവന്റെ വില 59,000 രൂപയിലെത്തി. 480 രൂപയാണ് ചൊവാഴ്ച കൂടിയത്. ഒരുഗ്രാം സ്വർണത്തിന്റെ വിലയാകട്ടെ 7,375 രൂപയുമായി.
രാജ്യത്തെ കമ്മോഡിറ്റി വിപണിയായ എംസിഎക്സിൽ പത്ത് ഗ്രാം 24 കാരറ്റ് സ്വർണത്തിന്റെ വില 78,800 രൂപയാണ്. ഡോളറിന്റെ മൂല്യ വർധനവാണ് ഇപ്പോഴത്തെ വില വർധനവിന്റെ പ്രധാന കാരണം.
ദീപാവലി അടുത്തതോടെ സ്വർണത്തിന് ഡിമാന്റ് കൂടാനാണ് സാധ്യത. ആഭ്യന്തര വിപണിയിൽ വരുംദിവസങ്ങളിൽ അതിന്റെ പ്രതിഫലനം ഉണ്ടാകും.
