ആഡംബരക്കപ്പൽ യാത്ര ഒരുക്കി കെ.എസ്.ആർ.ടി.സി
കണ്ണൂർ: ചുരുങ്ങിയ ചെലവിൽ കൊച്ചിയിൽ നിന്ന് ആഡംബര കപ്പലിൽ യാത്ര ചെയ്യാൻ അവസരം ഒരുക്കിയ കെ എസ് ആർ ടി സി സർവീസ് ഹിറ്റ്.
ഞായറാഴ്ചത്തെ ആദ്യ യാത്ര ഹൗസ് ഫുൾ. യാത്രക്കാർ കൂടിയതോടെ കൂടുതൽ ട്രിപ്പുകൾ നിശ്ചയിച്ചു. ഒക്ടോബർ 27, നവംബർ 8, 9, 24 തീയതികളിലാണ് അടുത്ത യാത്രകൾ.
ഇതിലേക്കുള്ള ബുക്കിങ് പൂർത്തിയായി വരികയാണ്. ഞായറാഴ്ച രാവിലെ യാത്ര പുറപ്പെട്ടാൽ ഉച്ചയ്ക്ക് 2.30-ഓടെ കൊച്ചിയിൽ എത്തും. 3.30-ഓടെ കപ്പൽ കയറും. രാത്രി 8.45-ഓടെ കരയിലിറങ്ങും. തുടർന്ന് രാവിലെ കണ്ണൂരിലേക്ക് തിരിച്ചെത്തുന്ന നിലയിലാണ് നിശ്ചയിച്ചത്.
കപ്പലിൽ അഞ്ച് മണിക്കൂർ ആഴക്കടലിൽ യാത്ര ചെയ്യാം. രസകരമായ ഗെയിം, ഡി ജെ മ്യൂസിക്, പ്ലേ തിയേറ്റർ, ഫോർ സ്റ്റാർ ഡിന്നർ, വിഷ്വലൈസിങ് ഇഫക്ട്സ് എന്നീ വിവിധങ്ങളായ പ്രോഗ്രാമുകളാണ് കപ്പലിൽ ഒരുക്കിയത്.
മുതിർന്നവർക്ക് 4,590 രൂപയും 10 വയസ്സ് വരെയുള്ള കുട്ടികൾക്ക് 2,280 രൂപയുമാണ് ചാർജ്.
