നടൻ മനോജ് ഭാരതിരാജ അന്തരിച്ചു.
നടൻ മനോജ് ഭാരതിരാജ (48) അന്തരിച്ചു. ഹൃദയാഘാതത്തെ തുടർന്നാണ് അന്ത്യം. പ്രമുഖ സംവിധായകൻ ഭാരതിരാജയുടെ മകനാണ്.പതിനെട്ടോളം തമിഴ് സിനിമകളില്‍ അഭിനയിച്ചിട്ടുണ്ട്. 1999ല്‍ പിതാവ് ഭാരതിരാജ സംവിധാനം ചെയ്ത് ‘താജ്മഹല്‍’ എന്ന തമിഴ് ചിത്രത്തിലൂടെയാണ് സിനിമാ രംഗത്തേക്ക് മനോജ് എത്തുന്നത്.
2023ല്‍ പിതാവ് ഭാരതിരാജയ്ക്കൊപ്പം ‘മാർഗഴി തിങ്കള്‍’ എന്ന ചിത്രം സംവിധാനം ചെയ്തു. മണിരത്നത്തിന്റെ ബോംബെെ, ശങ്കറിന്റെ എന്തിരൻ എന്നീ ചിത്രങ്ങളില്‍ സഹസംവിധായകനായി പ്രവർത്തിച്ചു. മലയാളി നടിയായ നന്ദനയാണ് ഭാര്യ. ഇരുവർക്കും രണ്ട് മക്കളുണ്ട്.
