ബുധനാഴ്ചത്തെ നെറ്റ്പരീക്ഷ മാറ്റിവെച്ചു
15-ന് ബുധനാഴ്ച നടത്താന്‍ നിശ്ചയിച്ചിരുന്ന യു ജി സി നെറ്റ് പരീക്ഷ മാറ്റിവച്ചതായി നാഷണല്‍ ടെസ്റ്റിങ് ഏജന്‍സി അറിയിച്ചു.
മകര സംക്രാന്തി, പൊങ്കല്‍ ഉള്‍പ്പെടെയുള്ള ഉത്സവങ്ങള്‍ നടക്കുന്നതിനാലാണ് പരീക്ഷ മാറ്റിയത്. പുതിയ തീയതി പിന്നീട് അറിയിക്കും.
16-ലെ പരീക്ഷക്ക് മാറ്റമില്ല. ജൂനിയര്‍ റിസര്‍ച്ച് ഫെലോഷിപ്പ് (ജെ ആര്‍ എഫ്), അസിസ്റ്റന്റ് പ്രൊഫസര്‍ നിയമനങ്ങള്‍, പി എച്ച് ഡി എന്നിവക്കായി നടത്തുന്ന യു ജി സി-നെറ്റ് ഡിസംബര്‍ 2024 പരീക്ഷ ജനുവരി മൂന്ന് മുതല്‍ 16 വരെയാണ് ആദ്യം നിശ്ചയിച്ചിരുന്നത്.
കമ്പ്യൂട്ടര്‍ ബേസ്ഡ് ടെസ്റ്റ് (സി ബി ടി) ഫോര്‍മാറ്റില്‍ നടക്കുന്ന പരീക്ഷയില്‍ 85 വിഷയങ്ങള്‍ ഉള്‍ക്കൊള്ളുന്നു.
