അമ്മ മരിച്ച ദുഖത്തില് മകന് ആറ്റില് ചാടി ആത്മഹത്യ ചെയ്തു.
ചാത്തന്നൂര്: അമ്മ മരിച് ദുഖത്തില് മകന് ആറ്റില് ചാടി ആത്മഹത്യ ചെയ്തു. തണ്ടാന്റഴികത്ത് രാജശേഖരന് ഉണ്ണിത്താന്റെ മകന് ശ്രീരാഗാണ്(27) ആത്മഹത്യ ചെയ്തത്. കഴിഞ്ഞ ദിവസം ഉച്ചക്കാണ് സംഭവം. ശ്രീരാഗിന്റെ അമ്മ സുധര്മണി 12നാണ് മരിച്ചത്. ആന്ധ്രപ്രദേശില് ജോലി ചെയ്യുന്ന ശ്രീരാഗ് അമ്മ മരിച്ചതിനെ തുടര്ന്നാണ് നാട്ടിലെത്തിയത്.
അമ്മ മരിച്ചതിനെ തുടര്ന്ന് ശ്രീരാഗ് ഏറെ ദുഖിതനായിരുന്നെന്ന് ബന്ധുക്കള് പറഞ്ഞു. കഴിഞ്ഞ ദിവസം വീട്ടില് നിന്നിറങ്ങിയ ശ്രീരാഗ് കുമ്മല്ലൂര് പാലത്തില് നിന്ന് ഇത്തിക്കരയാറ്റിലേക്ക് ചാടുകയായിരുന്നു.