കേരളത്തില് ഇന്ന് സമ്പൂർണ ലോക്ഡൗണ്.
തിരുവനന്തപുരം: കേരളത്തില് ഇന്ന് സമ്പൂർണ ലോക്ഡൗണ്. അവശ്യസര്വീസുകള്ക്ക് മാത്രമാണ് ഇന്ന് അനുമതി ഉള്ളത്. അവശ്യ സാധനങ്ങള് വില്ക്കുന്ന കടകള് രാവിലെ 7 മണി മുതല് രാത്രി 7 മണി വരെ തുറന്ന് പ്രവര്ത്തിക്കാം. സ്വകാര്യബസ് സര്വ്വീസ് ഉണ്ടാകില്ല. കെഎസ്ആര്ടിസി പരിമിതമായി സര്വ്വീസ് നടത്തുകയും ചെയ്യും.
വലിയ ആരാധാനലയങ്ങളില് പ്രര്ത്ഥനാ ചടങ്ങുകളില് 40 പേര്ക്ക് പങ്ക് എടുക്കാം. ഞായറാഴ്ച മാത്രമാണ് ലോക്ഡൗണ് എന്നതിനാല്, പൊലീസ് പരിശോധന ശക്തമായിരിക്കും. നിയന്ത്രണങ്ങളും ഇളവുകളും നാളെ മുതല് പതിവ് പോലെ തന്നെ തുടരും. ഷോപ്പിംഗ് മാളുകള് ബുധനാഴ്ച മുതല് തുറക്കും.
സംസ്ഥാനത്ത് ഓഗസ്റ്റ് ഒന്പത് മുതല് 31വരെ വാക്സിനേഷന് നടത്തുമെന്ന് മുഖ്യമന്ത്രി പിണറായി വിജയന്. കോവിഡ് അവലോകന യോഗത്തിലാണ് ഇക്കാര്യം വ്യക്താമക്കിയത്. അവസാന വര്ഷ ഡിഗ്രി, പി. ജി വിദ്യാര്ത്ഥികള്ക്കും എല്.പി, യു. പി സ്കൂള് അധ്യാപകര്ക്കും വാക്സിനേഷന് പൂര്ത്തീകരിക്കുകയും യജ്ഞത്തിന്റെ ലക്ഷ്യമാണെന്ന് മുഖ്യമന്ത്രി വ്യക്തമാക്കി. എത്രയും വേഗം പരമാവധി ആളുകളെ വാക്സിനേറ്റ് ചെയ്യുകയാണ് ലക്ഷ്യം.
സംസ്ഥാനത്തിന് ലഭിക്കുന്ന വാക്സിന് പുറമേ സ്വകാര്യ ആശുപത്രികളിലും വാക്സിനുകള് ലഭ്യമാക്കേണ്ടതുണ്ട്. അതിനാല് സംസ്ഥാന 20 ലക്ഷം ഡോസ് വാക്സിന് വാങ്ങി അതേ നിരക്കില് സ്വകാര്യ മേഖലയ്ക്ക് നല്കും. വാണിജ്യ വ്യവസായ സ്ഥാപനങ്ങള്ക്കും പൊതു സംഘടനകള്ക്കും വാങ്ങിയ വാക്സിനുകളില് നിന്ന് ആശുപത്രികളുമായി ചേര്ന്ന് അവിടത്തെ സമീപ പ്രദേശങ്ങളിലെ ജനങ്ങള്ക്ക് വാക്സിനേഷന് നടത്താവുന്നതാണെന്ന് മുഖ്യമന്ത്രി പറഞ്ഞു. തദ്ദേശ സ്വയംഭരണ സ്ഥാപനങ്ങളുടെ പങ്കാളിത്തത്തോടെ ഇതിനുവേണ്ട സൗകര്യം ഒരുക്കാവുന്നതാണ്.
ഓഗ്സറ്റ് 15നുള്ളില് മുതിര് പൗരന്മാര്ക്ക് വാക്സിനേഷന് കൊടുത്ത് തീര്ക്കും. 60 വയസ് കഴിഞ്ഞവരുടെ ആദ്യ ഡോസാണ് പൂര്ത്തീകരിക്കുക. കൂടാതെ കിടപ്പുരോഗികള്ക്ക് വീട്ടില് ചെന്ന് വാക്സിന് നല്കുന്നതിന് സൗക്രര്യം ഒരുക്കും.
അതേസമയം ബുധനാഴ്ച മുതല് കര്ശനമായ കോവിഡ് മാനദണ്ഡങ്ങള് പാലിച്ച് മാളുകള് തുറക്കാന് അനുമതി നല്കും. അതുവരെ നിലവിലെ നിയന്ത്രണങ്ങള് പാലിച്ച് മാളുകള്ക്ക് രാവിലെ ഏഴു മുതല് രാത്രി ഒന്പതു വരെ തുറന്ന് പ്രവര്ത്തിക്കാം.
കര്ക്കിടക വാവിന് കഴിഞ്ഞ വര്ഷത്തെ പോലെ വീടുകളില് തന്നെ പിതൃതര്പ്പണച്ചടങ്ങുകള് നടത്തണം. നിലവിലെ ഉത്തരവ് പ്രകാരം സര്ക്കാര് ഓഫീസുകളില് ഹാജരാവാനുള്ള എല്ലാ ഉദ്യോഗസ്ഥരും ഹാജരാകുന്നുണ്ടോ എന്ന് മേലധികാരികള് ഉറപ്പാക്കണമെന്ന് മുഖ്യമന്ത്രി നിര്ദേശം നല്കി.