ചൊവ്വല്ലൂര് കൃഷ്ണന്കുട്ടി അന്തരിച്ചു
തൃശ്ശൂര്: കവിയും ഗാനരചയിതാവും മാധ്യമപ്രവർത്തകനും ആയ ചൊവ്വല്ലൂര് കൃഷ്ണന്കുട്ടി (86) അന്തരിച്ചു. തൃശ്ശൂരിലെ സ്വകാര്യ ആശുപത്രിയിലായിരുന്നു അന്ത്യം. കവിത, ചെറുകഥ, നോവല്, വിവര്ത്തനം, നര്മ്മലേഖനങ്ങള് എന്നീ വിഭാഗങ്ങളില് പതിനെട്ട് പുസ്തകങ്ങള് പ്രസിദ്ധീകരിച്ചിട്ടുണ്ട്. കേരള സംഗീത നാടക അക്കാദമി, കേരള സാഹിത്യ അക്കാദമി, രണ്ട് തവണ കേരള കലാമണ്ഡലത്തിന്റെ വൈസ് ചെയര്മാന് എന്നീ പദവികളും വഹിച്ചു. മൂവായിരത്തിലധികം ഭക്തിഗാനങ്ങൾ രചിച്ചു.ഒരു നേരമെങ്കിലും കാണാതെ വയ്യെൻ്റെ എന്നത് ശ്രദ്ധേയ ഗാനമാണ്. മികച്ച നാടക ഗാനരചയിതാവിനുള്ള സംസ്ഥാന പുരസ്കാരം നേടിയിട്ടുണ്ട്. സലിൽ ചൗധരി, കെ രാഘവൻ തുടങ്ങിയവർക്കൊപ്പം പ്രവർത്തിച്ചിട്ടുണ്ട്. മലയാള മനോരമ അസിസ്റ്റന്റ് എഡിറ്റര് എന്ന പദവിയില് സേവനമനുഷ്ഠിച്ചിരുന്നു.