തൊഴിലുറപ്പ് പദ്ധതി ഓംബുഡ്‌സ്മാൻ ഓഫീസ് പ്രവർത്തനം തുടങ്ങി
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രവർത്തനങ്ങളുടെ സുതാര്യമായ നടത്തിപ്പ് ഉറപ്പുവരുത്തുന്നതിനും പരാതികൾ പരിഹരിക്കുന്നതിനുമായി ജില്ലയിൽ ഓംബുഡ്‌സ്മാൻ ഓഫീസ് പ്രവർത്തനമാരംഭിച്ചു. സിവിൽ സ്റ്റേഷൻ (അനക്‌സ്) രണ്ടാം നിലയിലാണ് ഓഫീസ്. തൊഴിലുറപ്പ് പദ്ധതിയുമായി ബന്ധപ്പെട്ട് പൊതുജനങ്ങൾക്കുള്ള പരാതികൾ ombudsmanmgnregskannur@gmail.com ലോ ഓംബുഡ്‌സ്മാൻ ഓഫീസിൽ നേരിട്ടോ സമർപ്പിക്കാമെന്ന് ജോയിന്റ് ഡവലപ്‌മെന്റ് കമ്മീഷണർ അറിയിച്ചു. ബ്ലോക്ക് ഓഫീസുകളിൽ നിശ്ചിത ദിവസങ്ങളിൽ ഓംബുഡ്‌സ്മാൻ സിറ്റിംഗ് നടത്തി പരാതികൾ നേരിട്ടും സ്വീകരിക്കും.
