പരിശീലനം പൂര്‍ത്തിയാക്കിയത് 230 പൊലീസുകാര്‍
മാങ്ങാട്ടുപറമ്പ് കെ എ പി അഞ്ചാം ബറ്റാലിയനില്‍ നിന്ന് 230 പോലീസുകാരാണ് പരിശീലനം പൂര്‍ത്തിയാക്കി പാസ്സിങ്ങ് ഔട്ട് പരേഡില്‍ അണിനിരന്നത്. രാവിലെ 8.25 ഓടെ കെഎപി നാലാം ബറ്റാലിയന്‍ ഗ്രൗണ്ടില്‍ പാസിങ്ങ് ഔട്ട് പരേഡ് ആരംഭിച്ചു. പരിശീലനം പൂര്‍ത്തിയാക്കിയിറങ്ങുന്ന പൊലീസുകാരില്‍ മൂന്ന് എം ടെക്ക്, നാല് എം ബി എ, 30 ബിരുദാനന്തര ബിരുദം, ഒരു എം എസ് ഡബ്‌ള്യുവും ബി എഡും, 28 ബിടെക്, 115 ബിരുദധാരികള്‍, 35 പ്ലസ് ടു, 11 ഡിപ്ലോമ/ഐ ടി ഐ, മറ്റു വിദ്യാഭ്യാസ യോഗ്യതയുള്ളവര്‍ രണ്ട് എന്നിങ്ങനെയാണുള്ളത്.
ആര്‍ ടി പി സി കമാന്‍ഡര്‍ അമല്‍ സോമന്‍, സെക്കന്റ് കമാന്‍ഡര്‍ ഇന്‍ ചാര്‍ജ് എസ് സന്ദീപ് എന്നിവര്‍ പാസ്സിങ് ഔട്ട് പരേഡ് നയിച്ചു. മികച്ച ഷൂട്ടറായി ജോര്‍ജി ബേബിയെയും ഓള്‍റൗണ്ടറായി ജിഷ്ണു രാജിനെയും തെരഞ്ഞെടുത്തു. ഇന്‍ഡോര്‍ പരീക്ഷയില്‍ അമല്‍ ആന്‍ഡ്രൂസ്, എസ് ടിന്റു എന്നിവരും ഔട്ട്‌ഡോര്‍ പരീക്ഷയില്‍ അമല്‍ സോമനും വിജയകളായി. കെ എ പി നാലാം ബറ്റാലിയന്‍ കമാണ്ടന്റും ജില്ലാ പൊലീസ് മേധാവി(റൂറല്‍)യുമായ നവനീത് ശര്‍മ ഇവര്‍ക്കുള്ള പുരസ്‌കാരം വിതരണം ചെയ്തു. പരിശീലനത്തിന്റെ ഹ്രസ്വചിത്രവും പ്രദര്‍ശിപ്പിച്ചു.
