മോഡൽ പഞ്ചായത്ത് അപേക്ഷ ക്ഷണിച്ചു

മൃഗസംരക്ഷണ മേഖലയിൽ സംരംഭങ്ങൾ പ്രോത്സാഹിപ്പിക്കുക, ശുദ്ധമായ മാംസം മാർക്കറ്റിൽ ലഭ്യമാക്കുക, ജന്തുജന്യ രോഗങ്ങൾ നിയന്ത്രിക്കുക എന്നീ ലക്ഷ്യങ്ങളോടെ മൃഗസംരക്ഷണ വകുപ്പ് നടപ്പാക്കുന്ന മോഡൽ പഞ്ചായത്ത് പദ്ധതി പ്രകാരം അഴീക്കോട് പഞ്ചായത്തിൽ പോത്ത് വളർത്തൽ പദ്ധതിയിലേക്ക് അപേക്ഷ ക്ഷണിച്ചു. ഏഴ് പോത്തുകൾ വീതമുള്ള നാല് യൂണിറ്റ് തുടങ്ങാൻ അഞ്ച് ലക്ഷം രൂപ അനുവദിക്കും. തെരഞ്ഞെടുക്കപ്പെടുന്ന ഗുണഭോക്താക്കൾക്ക് ഒന്നേകാൽ ലക്ഷം രൂപ സബ്‌സിഡി ലഭിക്കും. അപേക്ഷാ ഫോറം അഴീക്കോട് മൃഗാശുപത്രിയിൽ ലഭിക്കും. പൂരിപ്പിച്ച അപേക്ഷ നവംബർ 15നകം ലഭ്യമാക്കണം. ഫോൺ: 9447263687.