സാക്ഷരതാ മിഷന്‍ കോഴ്‌സുകള്‍ക്ക് 28 വരെ രജിസ്റ്റര്‍ ചെയ്യാം
സാക്ഷരതാ മിഷന്‍ നടത്തുന്ന വിവിധ കോഴ്‌സുകളിലേക്ക് ഫെബ്രുവരി 28 വരെ രജിസ്റ്റര്‍ ചെയ്യാമെന്ന് ജില്ലാ കോ ഓര്‍ഡിനേറ്റര്‍ അറിയിച്ചു. സാക്ഷരത, നാലാംതരം, ഏഴാംതരം, പത്താംതരം, ഹയര്‍ സെക്കണ്ടറി തുല്യതാ കോഴ്‌സുകള്‍, അച്ഛീ ഹിന്ദി, പച്ചമലയാളം, ഗുഡ് ഇംഗ്ലീഷ് എന്നിവയിലേക്കുള്ള രജിസ്‌ട്രേഷനാണ് നടക്കുന്നത്. സാക്ഷരത, നാലാംതരം, ഏഴാംതരം, തുല്യതാ കോഴ്‌സുകള്‍ സൗജന്യമാണ്. പത്താംതരം, ഹയര്‍ സെക്കണ്ടറി കോഴ്‌സുകള്‍ക്ക് യഥാക്രമം 1850, 2500 എന്നിങ്ങനെയാണ് ഫീസ്. പട്ടിജാതി, പട്ടികവര്‍ഗ വിഭാഗക്കാര്‍ക്ക് ഫീസ് ഇല്ല. ഭാഷാ കോഴ്‌സുകള്‍ക്ക് 2500 രൂപയാണ് ഫീസ്.
നാലാംതരം പാസായവര്‍ക്ക് ഏഴാംതരം തുല്യതയിലേക്കും ഏഴാംതരം പാസായവര്‍ക്ക് പത്താംതരത്തിലേക്കും പത്താംതരം പാസായവര്‍ക്ക് ഹയര്‍ സെക്കണ്ടറിയിലേക്കും രജിസ്റ്റര്‍ ചെയ്യാം. തൊട്ടടുത്ത ഹയര്‍ സെക്കണ്ടറി സ്‌കൂളുകളാണ് പഠനകേന്ദ്രം. ഫോണ്‍: 0497 2707699.
