തമിഴ്നാട് നിയമ സഭയില് വിശ്വാസവോട്ട് നേടി ടി.വി.കെ; 144 എം.എല്.എമാരുടെ പിന്തുണ
തമിഴ്നാട് നിയമ സഭയില് വിശ്വാസവോട്ട് നേടി ജോസഫ് വിജയ് നേതൃത്വം നല്കുന്ന ടി.വി.കെ സർക്കാർ. 144 എം.എല്.എമാരുടെ പിന്തുണയാണ് വിജയിക്ക് ലഭിച്ചത്.എ.ഐ.എ.ഡി.എം.കെയിലെ 25 എം.എല്.എമാർ കൂറുമാറി വിജയിക്കൊപ്പം നിന്നു. വിശ്വാസവോട്ടെടുപ്പില്നിന്ന് ഡി.എം.കെ വിട്ടുനിന്നു. വിശ്വാസവോട്ടെടുപ്പില് പങ്കെടുക്കില്ലെന്ന് ഡി.എം.കെ നേതാവ് ഉദയനിധി സ്റ്റാലിൻ നിയമസഭയില് പറഞ്ഞു.
നിയമസഭ തെരഞ്ഞെടുപ്പില് 108 സീറ്റ് ഏറ്റവും വലിയ ഒറ്റകക്ഷിയായി തെരഞ്ഞെടുക്കപ്പെട്ട ടി.വി.കെക്ക് സർക്കാർ രൂപീകരിക്കാൻ ആവശ്യമായ കേവലഭൂരിപക്ഷം ഇല്ലായിരുന്നു. ദിവസങ്ങള് നീണ്ട അനിശ്ചിതത്വങ്ങള്ക്കൊടുവില് കോണ്ഗ്രസ് അടക്കം ഡി.എം.കെ സഖ്യത്തില് വിജയിച്ച ഘടകകക്ഷികളുടെ പിന്തുണയോടെയാണ് വിജയ് സത്യപ്രതിജ്ഞ ചെയ്ത് അധികാരമേറ്റത്. കോണ്ഗ്രസ്, സി.പി.എം, സി.പി.ഐ, വി.സി.കെ, മുസ്ലിം ലീഗ് എന്നീ കക്ഷികളുടെ പിന്തുണയോടെ 120 എം.എല്.എമാരുടെ പിന്തുണ ടി.വി.കെ ഉറപ്പാക്കിയിരുന്നു.