കൂടത്തായി കൂട്ടക്കൊലപാതക കേസ് പ്രമേയമായ ‘അണലി’ വെബ് സീരിസിന്റെ പ്രദര്ശനം വിലക്കി കോടതി
കൊച്ചി: കൂടത്തായി കൂട്ടക്കൊലപാതക കേസ് പ്രമേയമായ ‘അണലി’ വെബ് സീരിസിന്റെ പ്രദര്ശനം വിലക്കി കോടതി. കേസിലെ പ്രതി ജോളി ജോസഫ് നല്കിയ ഹര്ജിയിലാണ് എറണാകുളം മുന്സിഫ് കോടതിയുടെ ഉത്തരവ്. വെബ് സീരീസിലെ പ്രധാന കഥാപാത്രത്തിന് താനുമായി ഏറെ സാമ്യമുണ്ടെന്ന് ചൂണ്ടിക്കാട്ടിയാണ് ജോളി കോടതിയെ സമീപിച്ചത്.
സാദൃശ്യം വ്യക്തിപരമായി ബുദ്ധിമുട്ടുണ്ടാക്കും എന്ന ജോളി ജോസഫിന്റെ വാദം പരിഗണിച്ചാണ് വെബ് സീരീസിന്റെ പ്രദര്ശനം വിലക്കിയത്. സീരീസിലെ പ്രധാന സ്ത്രീ കഥാപാത്രം ഹര്ജിക്കാരിയാണെന്ന് തിരിച്ചറിയാന് കഴിയുന്ന തരത്തിലുള്ള ഉള്ളടക്കങ്ങള് റിലീസ് ചെയ്യുന്നതും പ്രസിദ്ധീകരിക്കുന്നതും ഒടിടി പ്ലാറ്റ്ഫോമുകളില് സ്ട്രീം ചെയ്യുന്നതും കോടതി വിലക്കി. ഇതോടെ റിലീസിന് തയ്യാറായിരുന്ന വെബ് സീരീസിന്റെ തുടര്നടപടികള് അനിശ്ചിതത്വത്തിലായി.