നിരോധിത മരുന്ന് കൈവശം വെച്ചതിന് സൗദിയിൽ മലയാളി നഴ്സ് പൊലീസ് കസ്റ്റഡിയിൽ

ജിദ്ദ: നിരോധിത മരുന്ന് കൈവശം വെച്ചതിന് സൗദിയിൽ മലയാളി നഴ്സ് പൊലീസ് കസ്റ്റഡിയിൽ. സൗദിയിൽ കാണാതായ, വയനാട് അയ്യൻകൊല്ലി സ്വദേശി ഫിലോമിനയെ ആണ് ജിദ്ദ പൊലീസ് കസ്റ്റഡിയിൽ എടുത്തത്. നാട്ടിൽ നിന്ന് സൗദിയിലേക്ക് പുറപ്പെട്ട ഫിലോമിനയെ ജിദ്ദ എയർപോർട്ടിൽ വെച്ച് കാണാനില്ല എന്ന് കുടുംബം പരാതിപ്പെട്ടിരുന്നു. ജിദ്ദ വിമാനത്താവളത്തിൽ ഫിലോമിനയുടെ പാസ്പോർട്ടും രേഖകളും പിടിച്ചുവെക്കുകയായിരുന്നു. പിന്നാലെ ഫിലോമിനയെ കുറിച്ച് വിവരങ്ങളൊന്നുമില്ലായിരുന്നു. സംഭവത്തിൽ അന്വേഷണം നടക്കുകയാണ് എന്ന് ഇന്ത്യൻ കോൺസുലേറ്റ് അറിയിച്ചു.