സ്പാകളുടെ മറവിൽ ലൈംഗിക ചൂഷണം; ‘ഓപ്പറേഷൻ സ്പാ’ ശക്തമാക്കും; ആഭ്യന്തര മന്ത്രി

തൃശൂർ: സംസ്ഥാനത്ത് അനധികൃത സ്പാകളുടെ പ്രവർത്തനവും ലൈംഗിക ചൂഷണവുമായി ബന്ധപ്പെട്ട പരാതികളും വർധിക്കുന്ന സാഹചര്യത്തിൽ കടുത്ത നടപടിയുമായി സർക്കാർ. ഇതിന്റെ ഭാഗമായി ‘ഓപ്പറേഷൻ സ്പാ’ എന്ന പേരിൽ സംസ്ഥാനവ്യാപകമായി പരിശോധന നടത്തും. നിയമവിരുദ്ധമായി പ്രവർത്തിക്കുന്ന സ്പാകൾ കണ്ടെത്തുന്നതിനും ഇത്തരം കേന്ദ്രങ്ങൾ കേന്ദ്രീകരിച്ച് നടക്കുന്ന ചൂഷണങ്ങൾ തടയുന്നതിനുമാണ് പരിശോധന നടത്തുന്നത് എന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു.

‘യാതൊരു നിയമവും പാലിക്കാതെ ഷോപ്പ് ആൻഡ് എസ്റ്റാബ്ലിഷ്‌മെന്റ് ആക്ട് അടിസ്ഥാനത്തിൽ കേരളത്തിൽ ഉടനീളം സ്പാകൾ ആരംഭിക്കുക ആണ്. ഇത് ആരാണ് ആരംഭിക്കുന്നത് എന്നോ, എന്തോക്കെയാണ് നടക്കുന്നത് എന്നോ ആർക്കും അറിയില്ല. പെൺകുട്ടികളെ അടക്കം ചൂഷണം ചെയ്യുന്ന രീതിയിലാണ് പ്രവർത്തനം. ഇത് അംഗീകരിക്കാൻ ആകില്ല’ ചെന്നിത്തല പറഞ്ഞു.