ചോദ്യം ചെയ്യൽ നാടകത്തിനു പിന്നിൽ പിണറായി വിജയനെന്ന് പി സി ജോർജ്
വിദ്വേഷ പ്രസംഗക്കേസിൽ ജാമ്യം ലഭിച്ച പി സി ജോർജിന്റെ ഞായറാഴ്ചത്തെ ചോദ്യം ചെയ്യൽ നാടകത്തിന് പിന്നിൽ മുഖ്യമന്ത്രി പിണറായി വിജയനാണെന്ന് പി സി ജോർജ് ആരോപിച്ചു.
ജയിൽ മോചിതനായ ശേഷം ഞായറാഴ്ച തൃക്കാക്കരയിൽ നടന്ന തിരഞ്ഞെടുപ്പ് റാലിയിൽ തനിക്കെതിരായ ആരോപണങ്ങൾക്ക് മറുപടി നൽകുമെന്ന് ജോർജ്ജ് പറഞ്ഞിരുന്നു. എന്നാൽ, ചോദ്യം ചെയ്യലിനു ഹാജരാകാൻ പൊലീസ് നോട്ടീസ് നൽകിയതോടെ ജോർജിനു തൃക്കാക്കരയിലെ പരിപാടിയിൽ പങ്കെടുക്കാനാകില്ലെന്ന് വ്യക്തമായി. തൃക്കാക്കരയിലെ പരസ്യപ്രചാരണം ഞായറാഴ്ച സമാപിക്കും.
അന്വേഷണവുമായി സഹകരിക്കണമെന്ന് പി സി ജോർജിന്റെ ജാമ്യ വ്യവസ്ഥയിൽ ഹൈക്കോടതി വ്യക്തമാക്കിയിരുന്നു. അതുകൊണ്ട് തന്നെ ചോദ്യം ചെയ്യലിനു ഹാജരായില്ലെങ്കിൽ ജാമ്യ വ്യവസ്ഥ ലംഘിച്ചതിന് പി സി ജോർജിനെതിരെ പൊലീസിനും പ്രോസിക്യൂഷനും കുറ്റം ചുമത്താം.
