‘മെലോഡ്രാമ’ ഹ്രസ്വചിത്രം ശ്രദ്ധേയമാകുന്നു.
അക്ഷയ് ശ്യാം തിരക്കഥ എഴുതി സംവിധാനം ചെയ്ത മെലോഡ്രാമ എന്ന ഹ്രസ്വചിത്രം ശ്രദ്ധേയമാകുന്നു.മഴക്കാലം എന്ന മനോഹര കാലഘട്ടത്തിൽ മാത്രം നടക്കാൻ സാധ്യതയുള്ള കൗതുകമുണർന്നുന്ന ഒരു കഥയാണ്. തൊഴിൽ അന്വേഷിച്ച് നഗരത്തിൽ എത്തിയ ഒരു ചെറുപ്പക്കാരന് സംഭവിക്കുന്ന കാര്യങ്ങളാണ് ചിത്രത്തിലുടനീളം പറയുന്നത്. കഥയിലെ മുഖ്യകഥാപാത്രമായ ചെറുപ്പക്കാരന്റെ കൈയിലെ കുട നഷ്ടപ്പെടുന്നതും തുടർന്ന് അയാളിൽ സംഭവിക്കുന്ന സ്വഭാവമാറ്റങ്ങളുമാണ് ചിത്രത്തിൽ.
പ്രായഭേദമന്യേ വൈവിദ്യമാർന്ന കഥാപാത്രങ്ങൾ ഒരു പ്രത്യേക പ്ലാറ്റ്ഫോമിൽ കലഹിക്കുമ്പോഴുള്ള രസചരടുകളും മാനുഷിക വികാരങ്ങളും മൂല്യങ്ങളുമെല്ലാം ചുരുങ്ങിയ സമയത്തിനുള്ളിൽ പ്രേക്ഷകരുമായി സംവധിക്കുന്നു എന്നതാണ് ഈ ഹ്രസ്വചിത്രത്തിൻ്റെ ആത്മാവ്.
ശ്യാം പത്മനാഭൻ, അബ്ദുൾ കരീം, നന്ദു ആർ ശേഖർ എന്നിവരാണ് ചിത്രം നിർമിച്ചിരിക്കുന്നത്. ഛായാഗ്രഹണം നിർവഹിച്ചിരിക്കുന്നത് ശരത് പയ്യാവൂർ ആണ്. നജ്ജ അബ്ദുൾ കരീം, ദിലീപ് കുമാർ, തങ്കച്ചൻ പള്ളുരുത്തി, വിജയ്കുമാർ ശർമ, ജിബീഷ് കരുവാഞ്ചൽ എന്നിവരാണ് ചിത്രത്തിൽ അഭിനയിച്ചിരിക്കുന്നത്. എറണാകുളം നഗരവും പരിസരപ്രദേശങ്ങളുമാണ് ചിത്രത്തിന്റെ പ്രധാന ലൊക്കേഷൻ.
