വിമാനത്തില് പ്രതിഷേധിച്ച അധ്യാപകന് ഫര്സിന് മജീദിനെതിരെ വകുപ്പുതല അന്വേഷണം
മുഖ്യമന്ത്രിക്കെതിരെ വിമാനത്തില് പ്രതിഷേധിച്ച അധ്യാപകന് ഫര്സിന് മജീദിനെതിരെ വകുപ്പുതല അന്വേഷണം. ഉടനടി അന്വേഷണം നടത്തി റിപ്പോര്ട്ട് നല്കാന് വിദ്യാഭ്യാസമന്ത്രി വി ശിവന്കുട്ടി പൊതുവിദ്യാഭ്യാസ ഡയറക്ടര്ക്ക് നിര്ദേശം നല്കി. മട്ടന്നൂര് എയ്ഡഡ് യുപി സ്കൂള് അധ്യാപകനാണ് ഫര്സിന് മജീദ്.
യൂത്ത് കോണ്ഗ്രസ് മട്ടന്നൂര് ബ്ലോക്ക് പ്രസിഡന്റ് കൂടിയാണ് അധ്യാപകനായ ഫര്സിന്. പ്രതിഷേധിക്കുമ്പോള് യൂത്ത് കോണ്ഗ്രസ് കണ്ണൂര് ജില്ലാ സെക്രട്ടറി നവീന് കുമാറും ഫര്സിനൊപ്പമുണ്ടായിരുന്നു. മുഖ്യമന്ത്രിക്കൊപ്പമുണ്ടായിരുന്ന എല്ഡിഎഫ് കണ്വീനര് ഇ.പി.ജയരാജന് പ്രതിഷേധക്കാരെ തള്ളിമാറ്റി. തുടര്ന്ന് മുഖ്യമന്ത്രിയുടെ സുരക്ഷാ ഉദ്യോഗസ്ഥരും ഇടപെട്ട് പ്രവര്ത്തകരെ പിന്തിരിപ്പിക്കുകയായിരുന്നു