അടുത്ത വര്‍ഷവും തല ചെന്നൈക്കൊപ്പം ഉണ്ടാകും
ഇന്ത്യൻ പ്രീമിയർ ലീഗിൽ മഹേന്ദ്ര സിംഗ് ധോണിയുടെ ഭാവിയെക്കുറിച്ച് ഉയർന്ന ചോദ്യങ്ങൾ അവസാനിച്ചു. ആരാധകർക്കിടയിൽ ഏറെ ചർച്ചകൾക്ക് ശേഷം അടുത്ത സീസണിലും താൻ ടീമിലുണ്ടാകുമെന്ന് ധോണി വെളിപ്പെടുത്തി.
ടോസ് സമയത്ത് സംസാരിച്ച ധോണി തൻറെ തീരുമാനത്തിന് പിന്നിലെ കാരണം വിശദീകരിച്ചു. ചെന്നൈയിലെ തൻറെ ആരാധകർക്ക് മുന്നിൽ കളിക്കാതിരിക്കുന്നത് അനീതിയാണെന്ന് ധോണി പറഞ്ഞു. “തീർച്ചയായും, ചെന്നൈയോട് നന്ദി പറയാതിരിക്കുന്നത് അനീതിയാണ്. സിഎസ്കെ ആരാധകരോട് അത് ചെയ്യുന്നത് നല്ല കാര്യമല്ല. അടുത്ത വർഷം, എല്ലാ ടീമുകളും ഗ്രൗണ്ടിൽ കളിക്കാൻ സാധ്യതയുണ്ട്. അങ്ങനെ സംഭവിച്ചാൽ എല്ലാ സ്ഥലങ്ങളിലും വലിയ സ്വീകരണമുണ്ടാകും.
കുറച്ച് ദിവസങ്ങൾക്ക് മുമ്പ് ചെന്നൈയിൽ നടന്ന ഒരു പരിപാടിയിൽ ധോണി തൻറെ ഐപിഎൽ റിട്ടയർമെൻറ് മത്സരം ചെന്നൈയിൽ നടക്കുമെന്ന് വ്യക്തമാക്കിയിരുന്നു. അതേസമയം, കഴിഞ്ഞ സീസണിലാണ് ജഡേജയെ നായകസ്ഥാനം ഏൽപ്പിച്ചതെന്ന് റിപ്പോർട്ടുകളുണ്ടായിരുന്നു. എന്നാൽ ധോണി ക്യാപ്റ്റനായി ചുമതലയേൽക്കുന്നതോടെ അടുത്ത വർഷവും ധോണി ടീമിലെത്തുമെന്ന് ഉറപ്പാണ്.
