ഇ ബുൾ ജെറ്റ് സഹോദരൻമാരുടെ ജാമ്യം റദ്ദാക്കാനികില്ല : കോടതി
ആർടി ഓഫിസിലെ പൊതുമുതൽ നശിപ്പിച്ച കേസിൽ ജാമ്യത്തിൽ കഴിയുന്ന ഇ ബുൾ ജെറ്റ് സഹോദരങ്ങളുടെ ജാമ്യം റദ്ദാക്കണമെന്ന് ആവശ്യപ്പെട്ട് പൊലീസ് സമർപ്പിച്ച ഹർജി തള്ളി. തലശ്ശേരി അഡി. ജില്ലാ സെഷൻസ് കോടതിയാണ് ഹർജി തള്ളിയത്.
പ്രതികൾ റിമാൻഡിൽ പോകുന്ന സമയത്ത് പൊലീസ് കസ്റ്റഡിയപേക്ഷ സമർപ്പിച്ചിരുന്നില്ല. അതുകൊണ്ട് തന്നെയാണ് പ്രതികൾക്ക് ജാമ്യം ലഭിച്ചത്. പിന്നീട് പ്രതികളുടെ ദൃശ്യങ്ങൾ പരിശോധിച്ച പൊലീസ് പ്രതികൾക്ക് കഞ്ചാവ് ബന്ധമുണ്ടോ എന്ന അന്വേഷണം ആരംഭിച്ചിരുന്നു. അറസ്റ്റ് ദിവസം പ്രതികളെ അനുകൂലിക്കുന്ന നിരവധി പേർ സാമൂഹ്യ മാധ്യമങ്ങളിലൂടെ സർക്കാരിനെതിരെയും പൊലീസിനെതിരെയും ഭീഷണിമുഴക്കുന്ന സാഹചര്യമുണ്ടായി. ഈ നീക്കം കലാപാഹ്വാനം പ്രതികളുടെ അറിവോടെയാണോ എന്ന കാര്യം പൊലീസ് അന്വേഷിക്കുന്നുണ്ട്.
