ഐസിഎസ്ഇ പത്താംക്ലാസ് ബോര്‍ഡ് പരീക്ഷ റദ്ദാക്കി
ന്യൂഡൽഹി: രാജ്യത്ത് കോവിഡ് വ്യാപനം രൂക്ഷമാകുന്നതിന്റെ പശ്ചാത്തലത്തിൽ ഐസിഎസ്ഇ പത്താംക്ലാസ് ബോർഡ് പരീക്ഷ റദ്ദാക്കി. ഐഎസ്സി പന്ത്രണ്ടാംതരം പരീക്ഷകൾ മുൻനിശ്ചയിച്ച പ്രകാരം തന്നെ നടക്കും.
സി ഐ എസ് സി ഇ അഫിലിയേഷൻ ഉളള സ്കൂളുകളിൽ പതിനൊന്നാം ക്ലാസിലേക്കുളള പ്രവേശനനടപടികൾ ആരംഭിക്കാനും നിർദേശമുണ്ട്. പതിനൊന്നാം ക്ലാസുകാർക്കുളള ഓൺലൈൻ ക്ലാസുകൾ എത്രയും വേഗത്തിൽ ആരംഭിക്കുന്നതിനായി ഒരു ഷെഡ്യൂൾ തയ്യാറാക്കാനും നിർദേശിച്ചിട്ടുണ്ട്.
