ഒന്നു മുതൽ 8 വരെ ക്ലാസുകളിൽ കാപിറ്റേഷൻ ഫീസും സ്‌ക്രീനിങ്ങും പാടില്ല
സംസ്ഥാനത്തെ സർക്കാർ, എയ്ഡഡ്, അൺ എയ്ഡഡ് സ്കൂളുകളിൽ, ഒന്നുമുതൽ എട്ടുവരെ ക്ലാസുകളിൽ കുട്ടികളെ പ്രവേശിപ്പിക്കുമ്പോൾ, ക്യാപിറ്റേഷൻ ഫീസോ സ്ക്രീനിംഗ് നടപടിക്രമങ്ങളോ പാടില്ലെന്ന് വിദ്യാഭ്യാസ വകുപ്പ്. 2009ലെ വിദ്യാഭ്യാസ അവകാശ നിയമത്തിലെ 13-ാം വകുപ്പാണ് ഇതിനുള്ള വ്യവസ്ഥ. ഇതിന് വിരുദ്ധമായ നടപടികൾ ശ്രദ്ധയിൽപ്പെട്ടാൽ കർശന നടപടി സ്വീകരിക്കും.
