കെഎസ്ആര്‍ടിസി ശമ്പള വിതരണം ഇന്ന് പൂര്‍ത്തിയാകും
കെ.എസ്.ആർ.ടി.സി ശമ്പള വിതരണം ഇന്ന് പൂർത്തിയാകുമെന്ന് കോർപ്പറേഷൻ അറിയിച്ചു. 20 കോടി രൂപ കൂടി സർക്കാർ അനുവദിച്ചതിനാലാണ് പ്രശ്നം പരിഹരിച്ചതെന്നാണ് കോർപ്പറേഷൻറെ വാദം. ഡ്രൈവർമാർക്കും കണ്ടക്ടർമാർക്കും ഇന്നലെയാണ് ശമ്പളം ലഭിച്ചത്. മറ്റ് ജീവനക്കാർക്കും ഇന്ന് ശമ്പളം ലഭിക്കും.
കെ.എസ്.ആർ.ടി.സിയുടെ ശമ്പളം വിതരണം ചെയ്യുന്നതിൻ സർക്കാരിൻ എന്നെന്നേക്കുമായി ധനസഹായം നൽകാൻ സർക്കാരിൻ കഴിയില്ലെന്ന് ധനമന്ത്രി കെ.എൻ ബാലഗോപാൽ കഴിഞ്ഞ ദിവസം പറഞ്ഞിരുന്നു. പണിമുടക്ക് കാരണം ജീവനക്കാർക്ക് ശമ്പളം നൽകാത്തതുകൊണ്ടല്ല, പെട്ടിയിൽ പണമില്ലാത്തതുകൊണ്ടാണ് ശമ്പളവിതരണം വൈകുന്നതെന്നാണ് ധനമന്ത്രിയുടെ വിശദീകരണം. സമരം കാരണം ശമ്പളം നൽകിയില്ലെന്ന ഗതാഗത മന്ത്രിയുടെ വാദം തള്ളിക്കൊണ്ടായിരുന്നു ധനമന്ത്രിയുടെ പ്രതികരണം. ശമ്പള വിതരണത്തിൻ അധിക സാമ്പത്തിക സഹായം അനുവദിക്കുമെന്നും മന്ത്രി സൂചന നൽകി. സംസ്ഥാനം ഇതുവരെ കടക്കെണിയിൽ വീണിട്ടില്ലെന്നും മന്ത്രി പറഞ്ഞു.
തൊഴിലാളികൾക്ക് ശമ്പളം നൽകേണ്ടത് മാനേജ്മെൻറാണെന്ന ഗതാഗത മന്ത്രിയുടെ പ്രസ്താവനയ്ക്കെതിരെ സിഐടിയു ശക്തമായ വിയോജിപ്പ് പ്രകടിപ്പിച്ച പശ്ചാത്തലത്തിലാണ് ധനമന്ത്രിയുടെ വിശദീകരണം. സംസ്ഥാനത്തെ സംബന്ധിച്ചിടത്തോളം പൊതുമേഖലയുടെ നിയന്ത്രണവും ഉത്തരവാദിത്തവും സർക്കാരിനാണെന്ന നിലപാടിലാണ് സിഐടിയു.
